Böyük Britaniyanın unudulmuş dəniz irsi | Arxeoloqlardan maraqlı araşdırma

Böyük Britaniyanın cənub-qərbindən 48 kilometr aralıda yerləşən Silli adalarında aparılan arxeoloji qazıntılar maraqlı mənzərəni üzə çıxarıb.

Tədqiqatçılar burada 17-ci əsrə aid olan və "bosman qayıqları" üçün istifadə edilən 90-a yaxın qayıq anqarının yerini müəyyənləşdiriblər.

Bu yüngül və davamlı qayıqlar altı avarla təchiz olunmuşdu və bosmanları dənizdəki gəmilərə çatdırmaq üçün istifadə edilirdi. Onlar həmçinin batan gəmilərdə xilasetmə əməliyyatlarında, mayakların tikintisi və istismarında, eləcə də adalararası insan və yük daşımalarında mühüm rol oynayıb.

Alimlər həmçinin təpələrin zirvəsində yerləşən strateji müşahidə məntəqələrini də müəyyənləşdiriblər. Bu məntəqələrdən birində vaxtilə bir dirək yerləşirdi və bu dirək vasitəsilə gəmilərə bosman qayığının yola çıxdığı barədə siqnal verilirdi.

Arxeoloqlar vurğulayıblar ki, bu qayıqların və limanların irsi yalnız yerli deyil, ümumən dənizçilik tarixinin bir hissəsi olaraq bütün ictimaiyyət üçün əhəmiyyətlidir.