Britaniya şahzadəsi gizli hesabatları Epşteynə göndərib?

Böyük Britaniya kral ailəsi tarixin ən böyük kəşfiyyat və nüfuz qalmaqallarından biri ilə üz-üzədir. Baku TV-nin "Dünya" xəbərlərinin verdiyi məlumata görə, Britaniya şahzadəsi Endryunun gizli hesabatları qalmaqallı maliyyəçi Ceffri Epsteynə göndərdiyi üzə çıxıb. ABŞ Ədliyyə Departamentinin fevral ayında dərc etdiyi və mart ayında yeni detalları sızan "Epsteyn faylları"na əsasən, keçmiş şahzadə rəsmi ticarət elçisi olduğu dövrdə dövlət əhəmiyyətli məxfi məlumatları kənar şəxslərlə paylaşıb.

Məlumata əsasən, 2010-cu ilə aid elektron yazışmalar şahzadənin Cənub-Şərqi Asiya turu zamanı əldə etdiyi investisiya və ticarət imkanları barədə detallı, konfidensial hesabatları Epsteynə yönləndirdiyini sübut edir. Videoda Endryu Mauntbatten-Vindzorun vəzifə səlahiyyətlərindən sui-istifadə etməkdə şübhəli bilinərək həbs olunması, Bukingem sarayının bu hadisəyə reaksiyası və Britaniya polisinin "Dövlət Sırları haqqında Qanun"un pozulması ilə bağlı başlatdığı istintaq təhlil olunur. Ekspertlər bu sızmanı kral ailəsinin onsuz da zədələnmiş nüfuzuna "sarsıdıcı zərbə" kimi qiymətləndirirlər. Reportajda həmçinin Epsteynin bu məlumatları üçüncü tərəflərə (o cümlədən xarici xüsusi xidmət orqanlarına) ötürmə ehtimalı barədə sensasiyalı iddialar yer alır.