Britaniyadan Rusiya təyyarələrinin ələ keçirilməsi ilə bağlı məlumat

Birləşmiş Krallıq Norveç dənizində "HMS Prince of Wales" təyyarədaşıyan gəmisinin zərbə qrupuna yaxınlaşan Rusiyaya məxsus iki Bear F (Tu-142) təyyarəsinin ələ keçirildiyini açıqlayıb.

Bu barədə "Politico" Britaniya Müdafiə Nazirliyinə istinadən məlumat yayıb.

Müdafiə Nazirliyinin məlumatına görə, ötən həftənin sonlarında Rusiyaya məxsus iki Bear F (Tu-142) dəniz patrul təyyarəsi Norveç dənizində Britaniya aviadaşıyıcısının zərbə qrupuna dəfələrlə yaxınlaşaraq "təhlükəli və qeyri-peşəkar" manevrlər edib.

Rusiya təyyarəsi "HMS Prince of Wales" təyyarədaşıyan gəmisinin yaxınlığında çoxlu sayda "sonobuoy" atıb. Bu cihazlar sualtı qayıqları aşkarlamaq və izləmək üçün sualtı mikrofonlar kimi çıxış edə bilər.

Qeyd olunur ki, Rusiya təyyarələrinin ələ keçirilməsi Britaniyanın ilk dəfə NATO xüsusi təyinatlı qüvvələrinin komandanlığını öz üzərinə götürməsindən sonra baş verib.