Bu ata və oğlu restoranlarda yeyib-içib necə pul ödəmirlər?

Avropada ata və oğulun üç il ərzində yüzə yaxın restoranda ödəniş etmədən yemək yediyi məlum olub. Onlar bahalı yeməklər sifariş edib, ödəniş zamanı isə müxtəlif bəhanələrlə restorandan yayınaraq aradan çıxıblar.

Dələduzlar internet vasitəsilə kiçik və ailəvi restoranları seçir, bu cür yerlərin hüquq-mühafizə orqanlarına müraciət etməyəcəyinə ümid ediblər.

Məsələnin məğzinə gəlincə, ödəniş zamanı ata kredit kartının "işləmədiyini" bildirir, oğul isə bankomata getmək bəhanəsi ilə çıxır və geri qayıtdıqda pul tapa bilmədiyini deyir. Bu zaman ata şəxsiyyət vəsiqəsini girov qoyaraq sabah pul gətirəcəyini söyləyir, lakin heç vaxt qayıtmır.

Restoran sahiblərinin birinin bununla bağlı sosial şəbəkədə paylaşımı digər sahibkarların da eyni şəxslərlə qarşılaşdığını üzə çıxarır. Məlum olur ki, ata və oğul şəhərdə eyni sxemlə hərəkət ediblər.

2025-ci ilin aprelində dələduzlar polis tərəfindən saxlanılıblar. Ata yüzdən çox hadisəni etiraf edib, oğul da onların uzun müddət bu yolla yaşadıqlarını təsdiqləyib.