Daha bir erməni əsgər həlak oldu | Nə baş verir?

Ermənistanda daha bir hərbçi həyatını itirib.

Yerli medianın məlumatına görə, hadisə Göyçə mahalında baş verib. Hərbçinin idarə etdiyi “Volkswagen” markalı avtomobil hərəkət zolağından çıxıb. 34 yaşlı hərbçinin Basarkeçərdə yerləşən "N" saylı hərbi hissədə xidmət etdiyi bildirilir.

Qeyd edək ki, son günlərdə Ermənistanda hərbçilərin ölümünün ardı-arası kəsilmir. Bundan əvvəl daha iki hərbçi qeyri-döyüş şəraitində həlak olub.