Dünya ölkələrini hərəkətə keçirən məsələ | Hava limanları bağlandı

19 iyul 2024 243 baxış

ABŞ-də hava yolları şirkətlərinin fəaliyyətində genişmiqyaslı nasazlıqlar qeydə alınıb.

Rabitə problemləri səbəbindən bəzi böyük aviaşirkətlər uçuşları dayandırıb. Bu barədə xarici mətbuatda xəbər verilib.

Məlumata görə, Böyük Britaniyanın "Sky News" telekanalı şəbəkədən ayrılıb, "Windows" isə fasilələrlə işləyir.

Bundan əlavə, Berlin Hava Limanı da texniki nasazlıq səbəbindən qeydiyyatda mümkün gecikmələr barədə məlumat verib.

İspaniyada da analoji vəziyyət yaşanıb. Yerli mediada qeyd olunub ki, ölkənin internet şəbəkəsində elə problemlər yaşanıb ki, bu da uçuşların gecikməsinə gətirib çıxara bilər.

Həmçinin KİV Böyük Britaniyanın bir sıra aeroportlarında və Türk Hava Yollarında da qlobal nasazlıq səbəbindən uçuşların dayandırılmasından yazır.

Hindistanın "Times Now" kanalının ilkin məlumatına görə, sözügedən problemin səbəbi kibertəhlükəsizlik üzrə ixtisaslaşmış “CrowdStrike” şirkətinin son yenilənməsi olub.

#Hava limanı