Elm adamları təəccüb içində qaldı | Yeni kəşf olunan qalaktikaların sirri

Kolorado Boulder Universiteti və digər elmi qurumlardan olan astrofiziklər qrupu Ultra-Qırmızı Yastı Obyektlər (UFO) kimi tanınan sirli qalaktikaları tədqiq ediblər.

Əldə edilən məlumatların təhlili göstərib ki, bu qalaktikalar forma və ölçü baxımından Süd Yolu ilə oxşardır, lakin daha tozludur. Xüsusilə, UFO-da tozun miqdarı o qədər böyükdür ki, o, qalaktikamızdan təxminən 50 dəfə çox işığı bloklayır. Ola bilsin ki, toz məhv olan ulduzların partlaması, metal hissəciklərin kosmosa atılması nəticəsində əmələ gəlir.

Qeyd edək ki, Ultra-Qırmızı Yastı Obyektlər çox az görünən, lakin aktiv şəkildə infraqırmızı radiasiya yayan qırmızı qalaktikalardır. Onların digərlərinə nisbətən niyə bu qədər çox toz ehtiva etdiyi hələ də sirr olaraq qalır. Elm adamları hesab edirlər ki, gələcək müşahidələr UFO-ların əmələ gəlmə proseslərini və onların ulduz təkamülünü öyrənməyə kömək edəcək.