Emmanuel Makron Keyt Midltonla "qeyri-adi" söhbət etdiyi üçün tənqid olundu

10 iyul 2025 154 baxış

Fransa Prezidenti Emmanuel Makron Uels şahzadəsi Keyt Midltonla ehtiraslı söhbət etdiyinə görə sosial şəbəkələrdə kəskin tənqid olunub.

Hadisə Vindzor qəsrində Fransa Prezidenti Emmanuel Makron və həyat yoldaşı Bricit Makronun Birləşmiş Krallığa səfəri münasibətilə təşkil olunan rəsmi ziyafət zamanı baş verib.

Görüntülərə əsasən, Makron masada Keyt Midltonun yanında əyləşib, onunla şirin söhbət edib və sonra göz vurub.

Onun ədəb və nəzakət qaydalarını pozan bu gözlənilməz jesti bütün diqqəti onlara yönəldib və tədbirlə bağlı müzakirə olunan əsas mövzuya çevrilib. Belə ki, beynəlxalq diplomatiyanın sərt protokolunda göz vurma çox qeyri-formal və şəxsi jest sayılır.

Sosial media istifadəçiləri də Makrona qarşı sərt ifadələr işlədiblər. "Nə qədər iyrənc mənzərə! Yazıq Keyt", "Bu adam çox hiyləgər təsir bağışlayır", "Makron nə iyrənc insandır!" və s. kimi paylaşımlar edilib.

#Emmanuel Makron