Ən böyük silah istehsalçıları görün nə qədər qazanır

2023-cü ildə 100 ən böyük silah istehsalı şirkətinin gəlirləri 632 milyard dollara çatıb ki, bu da 2022-ci illə müqayisədə 4,2% artım deməkdir.

Bu barədə Stokholm Beynəlxalq Sülh Araşdırmaları İnstitutu qlobal silah ticarəti ilə bağlı son hesabatında məlumat verib.

Ekspertlər qeyd ediblər ki, silah satışından əldə edilən gəlirlərin artımı bütün regionlarda, xüsusən də Rusiya və Yaxın Şərqdə nəzərə çarpır.

Artım 2024-cü ildə də davam edəcək. Üç Türkiyə şirkəti, əsasən, Ukraynadakı münaqişə və hökumətin silah istehsalını təşviq etməsi səyləri nəticəsində gəlirlərini 24% artıraraq 6 milyard dollara çatdırıb. Təkcə Baykar İHA şirkətinin məhsullarının satışı 2023-cü ildə hərbi satış gəlirlərinin təxminən 90%-ni təşkil edib ki, bu da 25% artaraq 1,9 milyard dollara çatıb.