Pleyeri seçin:
Ərdoğandan silahlı hücuma sərt reaksiya
Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) rəhbərlik etdiyi Respublika Alyansının namizədi Aziz Yeniayın seçki kampaniyası zamanı baş verən silahlı insidentə münasibət bildirib.
“Həyata keçirilən silahlı hücumu qınayır, ağır xəsarət alan vətəndaşımıza şəfa diləyirəm”, – o, “X” hesabında yazıb.
Türkiyə lideri əlavə edib ki, hadisədən dərhal sonra hücumla bağlı hərtərəfli istintaq başladılıb.
“Seçki prosesinin sağlam və demokratik gedişinə dözə bilməyənlərin prosesi zəhərləməsinə heç vaxt imkan verməyəcəyik”, –R.T.Ərdoğan bildirib. Qeyd edək ki, hadisə nəticəsində Türkiyə vətəndaşı olan 22 yaşlı qadın ağır yaralanıb.
Kopyalandı
Seçilmişlər
