F-35-lərin Ankaraya satışı reallaşır, yoxsa…? - Nazirlik rəsmisi açıqladı

Türkiyə Milli Müdafiə Nazirliyinin sözçüsü Zəki Aktürk S-400 zenit-raket kompleks sistemlərindən istifadə edilməməsi şərti ilə Ankaraya F-35 qırıcılarının satışının reallaşacağı ilə bağlı yayılan xəbərlərə aydınlıq gətirib.

O bu barədə həftəlik brifinqdə danışıb.

“Türkiyənin hava hücumundan müdafiə ehtiyacları üçün sistem tələbləri davam edir. Bu çərçivədə S-400 sistemləri Türkiyə Silahlı Qüvvələrinin inventarındadır. Hazırda yayılan məsələ ilə bağlı yeniliklər yoxdur”, – nazirlik rəsmisi bildirib.