Gəmilərdən alınan rüsumlar nə qədər artırılacaq? - Detallar açıqlandı
Türkiyə 1 iyuldan ənənəvi illik yeniləmə çərçivəsində Boğaziçi və Çanaqqala boğazlarından keçid haqqını artıracaq. Bu, 2022-ci ildən bəri edilən dördüncü artım olacaq.
Bu barədə Türkiyənin nəqliyyat və infrastruktur naziri Əbdülqadir Uraloğlu məlumat verib.
“Montre Konvensiyasına əsasən, Boğaziçi və Çanaqqala boğazlarından tranzit edən gəmilərdən alınan rüsumlar xalis tonnaja uyğun hesablanır. 2025-ci il iyulun 1-dən onlar əvvəlki ilin tarifləri ilə müqayisədə 15 % artırılacaq və 5,83 ABŞ dolları təşkil edəcək. Bu, 2022-ci ildə Prezidentin fərmanı ilə başlanmış tariflərin yenidən gözdən keçirilməsi prosesində dördüncü mərhələdir”, – deyə nazir bildirib.
Ə.Uraloğlu qeyd edib ki, 2022-ci ildən gəmilərin keçidinin qiyməti 7,2 dəfə artıb. Eyni zamanda gəmilər 2022-ci ilə qədər boğazlardan keçidə görə hər ton üçün 0,8 dollar ödəyib. Yığılan rüsumun əhəmiyyətli hissəsi sahil xidmətlərinin, xilasedicilərin və həkimlərin işinin maliyyələşdirilməsinə yönəldilib.
#Türkiyə teqi istifadə olunub
- Türkiyədə yaşanan faciəvi hadisələrdən sonra yeni qərarlar qəbul edildi - Baku TV
- Məsuliyyətsiz davrandığı halda silah sahiblərinə verilən cəzalar artırılacaq
- Bakı mühüm foruma ev sahibliyi edəcək | Tehran və Vaşinqton nəyi və kimi gözləyir? - YENİ BİR SƏHƏR
- Dünyada güc balansı yenidən yazılır | Antalyada verilən mesajlar nələri ortaya qoydu? - Baku TV
- Orta Şərqdə qeyri-müəyyənliklər artır: Bakı və Ankara regionda unikal aktor kimi önə çıxır
