Güneyli fəalların aclıq aksiyası 46-cı günə çatdı - Baku TV
Güney azərbaycanlı milli fəallar – Tahir Nəqəvi və Vədud Əsədi Tehranın Evin həbsxanasında 46 gündür aclıq aksiyası keçirirlər.
Onlar İran hakimiyyəti tərəfindən qanunsuz həbs olunduqlarını, həbsxanada hüquqlarının pozulduğunu, həmçinin rejimin müxtəlif təzyiqlərinə məruz qaldıqlarını bildirərək etiraz aksiyasını davam etdirirlər.
Məlumata görə, hər iki fəal “rejim əleyhinə fəaliyyət”, “müxalif qruplara üzvlük”, “daxili təhlükəsizliyi pozmaq məqsədilə toplaşmaq” kimi ittihamlarla mühakimə edilib. Məhkəmənin qərarı ilə Tahir Nəqəvi 5 il yarım, Vədud Əsədi isə 6 il müddətinə azadlıqdan məhrum olunub.
Tahir Nəqəvi həm də tanınmış hüquqşünas kimi Almaniyada yaşayan və 2022-ci ildə aldadılaraq İrana aparılıb həbs edilən, uzun müddət girov kimi saxlanılan və bu il azadlığa buraxılan Fərid Səfərlinin müdafiəçilərindən biri olub. Məhz bu fəaliyyətinə və Güney Azərbaycan türklərinin milli-mədəni haqlarının müdafiəsində ön cərgədə yer almasına görə onun vəkillik lisenziyası dondurulub.
Ailələr və hüquq müdafiəçiləri aclıq aksiyasının təhlükəli həddə çatdığını bildirir və beynəlxalq təşkilatları fəalların vəziyyətinə diqqət ayırmağa çağırırlar.
#İran teqi istifadə olunub
- Pezeşkian polis qüvvələrinin komandanı və “Fərəcə” təşkilatının rəhbərliyi ilə görüşüb
- İran Fransa və Britaniyaya sərt mesaj göndərdi | Makrondan ABŞ-yə çağırış - Baku TV
- İranın Ali lideri silahlı qüvvələr barədə nələr dedi? - "ABŞ və İsrailə qarşı..." - Baku TV
- İranın yeni planı qlobal maliyyə sistemini narahat edir
- Müctəba Xamenei kölgədən idarə edir: İranda real hakimiyyət kimin əlindədir? - AKTUAL GÜNDƏM
