Hökumət sıxışdırdı, yoxa çıxdı, amma... | Kasıb müəllim necə milyarder oldu? - ARAŞDIRMA

Uşaqlıqda qeyri-adi görünüşünə görə tez-tez ələ salınan, kasıb musiqiçi ailəsində doğulan Cek Ma həyatının demək olar ki, hər mərhələsində uğursuzluqlarla qarşılaşıb.

Universitetlərdən və iş yerlərindən dəfələrlə rədd cavabı alan bu sadə müəllim ingilis dilini turistlərə könüllü bələdçilik etməklə öyrənib.

1995-ci ildə ilk dəfə internetlə tanış olduqdan sonra bu sahənin potensialını görərək Çinin ilk kommersiya saytını yaradıb. 1999-cu ildə dostlarının dəstəyi ilə “Alibaba” şirkətini quran Cek qısa müddətdə “Yahoo” və “SoftBank” kimi nəhəng investorların marağını cəlb edib və platformanı dünyanın ən böyük onlayn ticarət şəbəkəsinə çevirib.

2014-cü ildə 25 milyard dollarlıq rekord IPO ilə dünya maliyyə tarixində iz qoyan Cek Ma 2020-ci ildə Çin hökumətini tənqid etdikdən sonra qəfil yoxa çıxıb. Bir müddət ictimaiyyətdən uzaq qaldıqdan sonra yenidən səhnəyə qayıdan Ma hazırda xeyriyyəçilik və ekoloji təşəbbüslərlə məşğuldur.

Bir vaxtlar hər kəsin lağ etdiyi bu insan bu gün milyardlarla insana ilham verir.