İran XİN rəhbəri atəşkəs üçün ölkəsinin şərtini açıqladı

“Rəsmi Tehran Yaxın Şərqdə istənilən sülh təşəbbüsünü Livan və Qəzza zolağında eyni vaxtda atəşkəs olacağı təqdirdə dəstəkləyəcək”.

Bunu İranın xarici işlər naziri Abbas Əraqçi deyib.

“Livanda atəşkəsdən söz düşmüşkən, mən artıq bu məsələni livanlı həmkarımla müzakirə etmişəm və biz digər ölkələrlə əlaqələrimizi davam etdiririk. İran sülhə nail olmaq üçün hər cür səyi yalnız o zaman dəstəkləyəcək ki, birincisi, Livan xalqının hüquqlarına tam riayət olunsun. İkincisi, eyni vaxtda Qəzzada atəşkəsə nail olmaq lazımdır”, – deyə iranlı diplomat qeyd edib.

O əlavə edib ki, rəsmi Tehran Beyrutu dəstəkləyir və bunu davam etdirəcək. Nazir həmçinin Livan xalqının İsraili məğlub edəcəyinə əminliyini ifadə edib.