İranı silkələyən hadisə | Sabiq İran prezidenti və arvadına qarşı sui-qəsd planı

İranın sabiq prezidenti Mahmud Əhmədenejata qarşı sui-qəsd cəhdi baş tutmayıb.

Xəbəri “Iran International” yayıb. Bildirilib ki, hadisə 9 və 10-cu hökumətlərin başçısı Mahmud Əhmədenejat və həyat yoldaşı Zəncana səfərə yola düşərkən baş verib.

Məlumata görə, təhlükəsizlik xidmətinin başçısı qaydalara əsasən, avtomobilin qabaq oturacağında oturub. Maşını yoxladıqdan sonra o, Mahmud Əhmədenejata başqa nəqliyyat vasitəsində oturmasını məsləhət görüb. Kərəc-Qəzvin avtomobil yolunda isə sürücü idarəetməni itirib, digər avtomobillə toqquşub.

Xəbərə görə, həmin maşında M.Əhmədenejat deyil, onu müşayiət edən bir neçə şəxs olub.