Kıvanç Tatlıtuğun qalmaqallı eşq həyatı | Qabırğaları sındı, 20 kq arıqladı ki... | ARAŞDIRMA

Kıvanç Tatlıtuğ 1983-cü il oktyabrın 27-də Adana şəhərində, bosniyaəsilli Erdem və Edirneden olan Nurten Tatlıtuğ ailəsində dünyaya göz açıb.

O, kiçik yaşlarından basketbolla məşğul olmağa başlayır, lakin dizindən aldığı ağır zədə səbəbindən idman karyerası yarımçıq qalır. 2002-ci ildə həm Türkiyədə, həm də dünyada “Best Model” titulunu qazandıqdan sonra Paris və Romada model kimi fəaliyyət göstərir. Lakin model sənayesinin uzunömürlü olmadığını düşündüyündən Türkiyəyə qayıdır və aktyorluq təkliflərini nəzərdən keçirməyə başlayır.

Aktyorluq karyerasına 2005-ci ildə “Gümüş” serialı ilə başlayan Kıvanç Tatlıtuğ daha sonra 2008-ci ildə çəkildiyi “Aşk-ı Memnu” serialındakı rolu ilə böyük şöhrət qazanır. 2008-2010-cu illərdə aktyor özündən 14 yaş böyük aktrisa Meltem Cumbulla eşq macərası yaşayır. Meltem Cumbulun Kıvanç Tatlıtuğu serialdakı tərəf müqabili Beren Saatdan qısqanması tez-tez qalmaqallara səbəb olur və nəticədə, cütlük ayrılır.

Sonralar Kıvanç Tatlıtuğ bir neçə münasibət yaşasa da, 2016-cı ildə stilist Başak Dizerlə evlənir və 2022-ci ildə ata olur.

Hazırda Kıvanç Tatlıtuğ Türkiyənin ən tanınmış və yaraşıqlı aktyorlarından biri kimi filmlərdə, seriallarda və reklamlarda uğurla fəaliyyətini davam etdirir.