Kriminal aləmdə aləm bir-birinə dəydi | Kolbayevin qardaşı ilə bağlı sensasiya

16 iyun 2025 433 baxış

Məşhur kriminal boss, milyarder Kamçı Kolbayevin qardaşı Joldaşbek Kolbayev Bişkekdə saxlanılıb.

Təhlükəsizlik qüvvələrinin məlumatına görə, onun adı daha üç nəfərlə birlikdə torpaq sahələri ilə bağlı cinayət işində keçir.

Qırğızıstan Daxili İşlər Nazirliyinin Baş Cinayət Axtarış İdarəsinin əməkdaşları Kolbayevə qarşı əməliyyatı ötən həftənin sonunda keçiriblər.

Joldaşbek 2023-cü il oktyabrın 4-də xüsusi xidmət orqanları tərəfindən əməliyyat zamanı öldürülən Kamçı Kolbayevin qardaşıdır. Qırğızıstanın ən nüfuzlu kriminal başçılarından biri olan Kamçı rəsmi versiyaya görə, həbs olunarkən silahlı müqavimət göstərib.

Maraqlıdır ki, Joldaşbek Beynəlxalq Cüdo Federasiyasının Mərkəzi Asiyada regional akademiyasına rəhbərlik edir. Ən məşhur “qanuni oğru”nun qardaşı kimi o, cinayət işi üzrə təqsirləndirilən şəxs kimi hüquq-mühafizə orqanlarının diqqət mərkəzindədir. Hələlik işin rəsmi təfərrüatları azdır.

#Qırğızıstan