Pleyeri seçin:
Lvovdakı terror aktında ölən və yaralananlar var - Baku TV
Ukraynanın qərbində ard-arda iki partlayış baş verib.
Hadisə Lvov şəhərində qeydə alınıb. Nəticədə, ölən və yaralananlar var.
Rəsmilər insidenti terror aktı kimi qiymətləndiriblər.
Lvov Vilayət Prokurorluğunun məlumatına görə, partlayışlar polis əməkdaşları olay yerinə gedərkən baş verib.
Bildirilib ki, ilk partlayış səsi hüquq-mühafizə orqanlarının nümayəndələrinin hadisə yerinə çatdıqda, ikincisi isə əlavə polis briqadası gəldikdən sonra eşidilib.
Hücum nəticəsində 23 yaşlı qadın polis əməkdaşı həlak olub. Patrul avtomobili və mülki nəqliyyat vasitəsi zədələnib.
Lvov Vilayət Prokurorluğu “ağır nəticələrə səbəb olan terror aktı” faktı üzrə istintaqa başladığını açıqlayıb. Hadisənin dəqiq başvermə səbəbləri araşdırılır.
Lvovun meri Andriy Sadovıy özünün sosial şəbəkə hesablarında “bu, şübhəsiz ki, terror aktıdır” deyə paylaşım edib.
Hücumun kim tərəfindən törədildiyi barədə hələlik rəsmi məlumat verilməyib.
Kopyalandı
#Ukrayna teqi istifadə olunub
- SOCAR-dan Ukrayna sakinlərinə dəstək: Yanacaqdoldurma məntəqələrində sığınacaqlar yaratdı - Baku TV
- Zelenski üçtərəfli danışıqları şərh etdi
- Ukrayna ilə bağlı kritik qərarın səbəbi açıqlandı
- Ukrayna liderlər səviyyəsində danışıqlara hazırdır, bəs Rusiya?
- Zelenski Maydan etirazlarında həlak olanları yad etdi
Seçilmişlər
