Makrondan Fransa bayrağına qarşı hörmətsizlik

Fransa Prezidenti Emmanuel Makron Yeni il münasibətilə xalqa müraciəti zamanı görkəmli yerdə Fransa bayrağının təsvirinin yerləşdirilməsi ənənəsindən imtina edərək qəbuledilməz hərəkət edib.

Bu fikri Fransanın Vətənpərvərlər Partiyasının lideri, Avropa Parlamentinin keçmiş üzvü Florian Filippot deyib.

“O, necə cəsarət etdi! Yeni il müraciəti zamanı Makronun arxasında Fransa bayrağı yox idi!”, – siyasətçi “X” səhifəsində yazıb.

Filippotun sözlərinə görə, Fransa bayrağı prezidentin çıxışı zamanı onun arxasında dalğalanan çoxlu sayda digər Avropa ölkələrinin bayraqlarından sadəcə biridir. Partiya lideri prezidentin bu qərarını Makronun Fransaya nifrət etdiyinin daha bir sübutu hesab edib.

Qeyd edək ki, baş verənlərdən sadə vətəndaşlar da hiddətlənib. “Buna səs verək? Onu Fransa maraqlandırmır. Makron siyasi oyunlara qapılıb”, – deyə onlar sosial şəbəkələrdə yazıblar.