Miqrantlar üçün qara gün | Rusiyadakı bu hadisə dünyada səs-küy yaratdı

Rusiyada deputatlar miqrant uşaqların ölkəyə girişinin məhdudlaşdırılmasını təklif ediblər.

Bununla bağlı Dövlət Dumasına azyaşlı əcnəbilərin qanuni nümayəndələri olmadan ölkəyə daxil olmasını qadağan edən qanun layihəsi təqdim olunub.

Deputatlar yetkinlik yaşına çatmayan xarici vətəndaşların Rusiyaya yalnız qanuni nümayəndələrin və ya notarial qaydada təsdiq edilmiş etibarnaməsi olan digər yetkin şəxslərin müşayiəti ilə daxil olub və ya getməsinə icazə verilməsini təklif ediblər.

Eyni zamanda Rusiyaya giriş yalnız təhsil, müalicə və müvəqqəti qalma, həmçinin turist səfərlərində iştirak etmək üçün mümkün olacaq.

Bundan başqa, təşəbbüs müəllifləri Rusiyada başqa qanuni nümayəndələr olmadıqda əcnəbinin onunla yanaşı daxil olan yetkinlik yaşına çatmayan şəxslə birlikdə deportasiya edilməsini təklif ediblər.