Putin razılaşdı, artıq İran... | Liderlərin görüşü barədə qalmaqallı şərh

“Rusiya Ukrayna böhranından diqqətini yayındırmamaq üçün Cənubi Qafqazdakı fəaliyyət “estafeti”ni İrana verdi”.

Belə bir iddianı erməni politoloq Suren Surenyants səsləndirib.

“Sputnik”ə müsahibəsində S.Surenyants bildirib ki, Putinin Tehranla Cənubi Qafqaz üzrə müvafiq razılaşmaları var və o, bunu məntiqli hesab edir:

“Çünki BRİKS-in Kazanda keçiriləcək sammitində iki ölkə strateji müttəfiqə çevriləcək, imzalanmaq üçün müvafiq sənəd hazırlanır. BRİKS sammiti oktyabrın 22-24-də keçiriləcək. Maraqlıdır ki, Putin hətta oktyabrın 23-nü gözləmədi, Pezeşkianla oktyabrın 11-də Aşqabadda görüşdü.

Mən əminəm ki, Rusiya İranla Cənubi Qafqaz regionunda yaranan strateji məsələləri müzakirə edir. İran ətrafında halqa daralır, Rusiya isə hələ də Şərqi Avropa və Ukrayna ilə problemləri həll etməklə məşğuldur. Bundan əlavə, Tehranın Cənubi Qafqaz regionunda aktivləşməsi Rusiyanın “qırmızı xətlərini” keçmir”.