Putinin kabinetinin yüksəkvəzifəli üzvü ilə bağlı gözlənilməz iddialar

Rusiyada Vladimir Putinin kabinetinin yüksəkvəzifəli üzvünün ölkəni tərk etdiyi ilə bağlı iddialar ortaya çıxıb.

Belə ki, iki həftə öncə, aprelin 22-də Rusiyanın təbii sərvətlər nazirinin müavini vəzifəsindən azad edilən Denis Butsayev elə həmin gün də ölkəni tərk edib. 49 yaşlı Denis Butsayevin könüllü olaraq nazir müavini vəzifəsindən istefa verdiyi bildirilir.

Rusiyanın Baş naziri Mixail Mişustin Butsayevi aprelin 22-də rəsmi olaraq vəzifəsindən azad edib. Vəzifəsindən azad edilən Butsayevin Rusiya təhlükəsizlik xidmətlərindən qaçmaq üçün ABŞ-yə qaçdığı iddia edilir.

Mənbələrə görə, sabiq nazir müavini Rusiyanı aprelin 18-də qonşu Belarus vasitəsilə tərk edib. Bildirilib ki, o, əvvəlcə Belarusa gedib, daha sonra Gürcüstan vasitəsilə ABŞ-yə uçub. Onun siyasi sığınacaq üçün müraciət edib-etmədiyi bəlli deyil.

Həmçinin iddia edilir ki, Butsayev Kremldəki yüksəkvəzifəli şəxslərin iştirak etdiyi genişmiqyaslı korrupsiya istintaqı zamanı ölkəni tərk edib. Rusiya mediası Butsayevin şanslı olduğunu və onu vaxtında xəbərdar edən dostlarının olduğunu qeyd edib.

Bu Rusiyada unikal bir hal kimi qeydə alınıb. Butsayev kimi yüksəkvəzifəli bir məmurun Rusiyanı tərk etməsinin ilk məlum nümunəsidir. O, 2024-cü ildən bəri xaricdə təqibdən yayınan ilk məmurdur.