Pleyeri seçin:
Qara dənizdə dəhşət | Gəmi PUA-lar ilə vuruldu - Baku TV
Türkiyənin Rusiyaya meyvə-tərəvəz daşıyan gəmisi Qara dənizdə dron hücumuna məruz qalıb. Hücum yanğına səbəb olub.
Bu barədə "Haber Global" məlumat yayıb.
Türkiyənin Nəqliyyat və İnfrastruktur Nazirliyinin Dənizçilik Baş İdarəsindən yayılan məlumata görə, dron hücumuna məruz qalan "Nadhezna" adlı gəmidə 13-ü Türkiyə vətəndaşı olmaqla, ümumilikdə 22 heyət üzvü olub. Gəminin kapitanı Yalçın Şahin hücumun Ukrayna tərəfindən edildiyini irəli sürərək, 6-7 drondan istifadə olunduğunu açıqlayıb.
Məlumata görə, gəmidəki dənizçilər Rusiya dəniz qüvvələri tərəfindən təhlükəsiz şəkildə Novorossiysk Limanına təxliyə edilib.
Gəmiyə ziyan dəydiyi bildirilir. İlkin məlumatlara görə, 3 heyət üzvünün vəziyyəti ağırdır.
Qeyd olunub ki, "Nadhezna" Samsundan Rusiyanın Novorossiysk şəhəri istiqamətində hərəkət edirmiş.
Kopyalandı
Seçilmişlər
