"Cybertruck" ümidləri niyə doğrultmadı?

"Tesla" şirkəti avtomobil satışlarının kəskin azalması fonunda özünün ən yeni modeli olan "Cybertruck"ın istehsalını azaltmağa başlayıb.

Bu barədə "Business Insider" məlumat yayıb.

Şirkət əməkdaşları təsdiq ediblər ki, son bir neçə ay ərzində "Cybertruck" istehsal xəttinin planları azaldılıb. Bəzi xətlər nominal gücün yalnız kiçik bir hissəsində işləyir və işçi heyəti yarıdan çox azalıb. Bəzi heyət də "Cybertruck" istehsalından "Model Y" xəttinə köçürülüb.

Nəşrin qeyd etdiyi kimi, 2025-ci ilin ilk üç ayında "Tesla" 6406 ədəd "Cybertruck" modelini satıb ki, bu da əvvəlki rübün yarısı qədərdir. Bu avtomobil istehsala başlamazdan əvvəl İlon Mask onun üçün bir milyondan çox əvvəlcədən sifariş verdiyini iddia edib.

Bununla belə, mövcud məlumatlara görə, martın 20-dək "Cybertruck" modeli cəmi 50 000 ədəddən az istehsal edilib.

Qeyd edək ki, bu modelin seriya istehsalına 2023-cü ilin yayında başlanılıb. Apreldə "Tesla" bu avtomobilin ən ucuz versiyasını 69 990 dollara təqdim edib.