"Körpülər yoxa çıxacaq" | Vaşinqton-Tehran danışıqları nəticə verməzsə, nə olacaq? - Baku TV

ABŞ Prezidenti Donald Tramp İranın nüvə proqramı ilə bağlı razılaşmaya getməyəcəyi təqdirdə ölkənin əsas infrastrukturuna zərbələr endiriləcəyi ilə hədələyib.

“Biz onların nüvə obyektlərini sıradan çıxardıq və əgər razılaşma əldə olunmasa, Pikaksı da məhv etməli olacağıq. Biz onu çox asanlıqla vuracağıq. Düşünürəm ki, hazırda bizim çox güclü mövqeyimiz var. Onlar bilirlər ki, müqavilə bağlamasalar, mən nə edəcəyəm. Körpülər yoxa çıxacaq. Sözün əsl mənasında 2 saatdan az bir müddətdə böyük körpülərin əksəriyyəti məhv ediləcək, elektrik stansiyaları isə bir gün ərzində”, – deyə o bildirib.

Ağ Ev rəhbəri İranın Hörmüz boğazına nəzarət etmədiyini, boğaz üzərində nəzarətin ABŞ-nin əlində olduğunu bildirib: “İran boğaza nəzarət etmir. Boğaza nəzarət edən bizik. Onlar bir neçə mina yerləşdirib vəziyyəti çətinləşdirə bilərlər. Amma boğaza nəzarət bizdədir”.

ABŞ Prezidenti sonda qeyd edib ki, Vaşinqton daha əvvəl Hörmüz boğazındakı blokadanı aradan qaldırıb, lakin İran razılaşmanın şərtlərini pozduqdan sonra məhdudiyyətlər yenidən tətbiq edilib.