Qvatemala cəngəlliyində tapılan piramidanın özəllikləri | Detallar açıqlandı

Arxeoloqlar Qvatemala cəngəlliyində piramidalar, abidələr və unikal kanal sistemi olan təxminən 3 min il əvvələ aid Maya şəhəri aşkar ediblər.

İspan dilində “Baba və nənə” mənasını verən “Los Abuelos” adlanan şəhər təxminən eramızdan əvvəl 800-cü ildən 500-cü ilə qədərki dövrə aiddir.

Alimlər hesab edirlər ki, bu şəhər Meksika sərhədi yaxınlığında, Peten cəngəlliyində Maya sivilizasiyasının ən qədim və mühüm mərasim mərkəzlərindən biri olub.

Təxminən 16 kvadratkilometr ərazini əhatə edən şəhər Qvatemala və Slovakiya arxeoloqları tərəfindən aşkarlanıb. Onun yaxınlığında 33 metr hündürlüyündə klassik dövrdən əvvəlki vaxtlara aid freskalar və unikal kanallar sistemi olan piramida da tapılıb.

Maya sivilizasiyası təxminən eramızdan əvvəl 2000-ci illərdə yaranıb və eramızın 400-900-cü illəri arasında indiki Meksikanın və Qvatemalanın cənubunda, habelə Beliz, Salvador və Hondurasın bəzi rayonlarında özünün ən yüksək inkişaf zirvəsinə çatıb.