Rusiya dialoqa hazırdır | Müharibənin taleyi necə olacaq?

"Avropa İttifaqı Ukraynadakı müharibəyə son qoyulması üçün aparılacaq sülh danışıqlarında vasitəçi olmaq niyyətində deyil".

Bunu Avropa Şurasının Prezidenti Antonio Koşta mətbuat konfransında bildirib.

Onun sözlərinə görə birlik açıq şəkildə Ukraynanın tərəfindədir.

"Avropa İttifaqı müharibə boyu Ukraynanı dəstəkləyib və bu dəstək müharibədən sonra da davam edəcək. Hazırda Rusiyanın danışıqlara ciddi yanaşdığını göstərən konkret əlamətlər yoxdur. Moskva ilə birbaşa diplomatik əlaqələrin saxlanılması vacib olsa da, hələlik real danışıqlar üçün şərait formalaşmayıb. Ukrayna adından danışıqlar aparmaq səlahiyyəti yalnız Prezident Volodimir Zelenskiyə məxsusdur və Aİ Kiyevi bu prosesdə əvəz etmək niyyətində deyil", – deyə Koşta vurğulayıb.

O, çıxışında Ukraynanın Avropa İttifaqına inteqrasiya prosesinə də toxunaraq, Ukrayna və Moldovanın üzvlük danışıqlarına başlamasını tarixi addım adlandırıb.