Dünya
Pleyeri seçin:
Rusiyanın hərbi təyyarəsini Ukrayna vurdu? | Ölən və yaralananlar var
Rusiya Hərbi Hava Qüvvələrinə məxsus “ТU-22М3” təyyarəsi qəzaya uğrayıb.
Bu barədə Stavropol vilayətinin rəhbəri Vladimir Vladimirov özünün “Telegram” kanalında məlumat verib.
Bildirib ki, hadisə Krasnoqvardeyski rayonunda baş verib. Onun sözlərinə görə, ekipaj üzvlərindən biri ölüb, digər ikisi isə xəsarət alıb. Yaralananlar dərhal xəstəxanaya çatdırılıb.
Rusiya mediasında yayılan məlumata görə, qəzaya səbəb texniki nasazlıq olub.
Hadisə ilə bağlı Ukrayna Hərbi Hava Qüvvələrinin açıqlaması isə fərqlidir. General-leytenant Nikolay Oleşçuk Rusiyaya məxsus hərbi təyyarənin Ukrayna Silahlı Qüvvələri tərəfindən vurulduğunu açıqlayıb.
Bildirib ki, hərbi hava qüvvələrinin zenit-raket bölmələri Ukraynanın Baş Kəşfiyyat İdarəsi ilə əməkdaşlıq edərək “X-22” qanadlı raketlərinin daşıyıcısı “TU-22M3” uzaqmənzilli strateji bombardmançı təyyarəni məhv edib.
Kopyalandı
Seçilmişlər
