Saçlarınızı düzləşdirərkən sağlamlığınızı itirə bilərsiniz | Bu orqana elə zərər vurur ki...

İsrailli tədqiqatçıların araşdırmalarına görə, saçların düzləşdirilməsində istifadə olunan vasitələrin tərkibindəki qlioksil turşusu böyrək çatışmazlığına səbəb ola bilər.

Tədqiqatın nəticələri Amerika böyrək xəstəlikləri jurnalında dərc olunub.

Qlioksil turşusu təkcə saçların uzun müddətə düzləşdirilməsində deyil, həm də saç düzümlərində istifadə olunan kosmetik vasitələrin əksəriyyətində tətbiq olunur.

İsraildə saç düzləşdirilməsindən istifadə edən 38 nəfər qadında böyrək çatışmazlığı aşkarlanıb. Xoşbəxtlikdən böyrəklərin zədələnməsi qısamüddətli olub, lakin zərərçəkənlərin bəziləri bir neçə həftə dializdə olub, bir neçə nəfər isə reanimasiyaya yerləşdirilib. Həmin dövrədək bu insanların əksəriyyətinin sağlamlıqla bağlı problemi olmayıb. Xəstəliyin əlamətləri arasında ürək bulanması, qusma, səpmə olub.

Qlioksil turşusu orqanizmə dəri vasitəsilə keçərək qan dövriyyəsinə və böyrəklərə düşərək onların zədələnməsinə səbəb ola bilər.

Həkimlər şübhələnirlər ki, qadınların əksəriyyətinin yaşadığı yüngül simptomlar statistikaya daxil edilməyib.

İsrail kosmetik vasitələrdə qlioksil turşusundan istifadəyə qadağa tətbiq edən ilk ölkəyə çevrilib.