Sankt-Peterburqdakı özbəklər Rusiyadan gedir | 100-dən çox şəxs siyahıya salınıb

17 avqust 2025 473 baxış

Rusiyanın Sankt-Peterburq şəhərində çətin vəziyyətdə qalan 100-dən çox Özbəkistan vətəndaşı Özbəkistan hakimiyyət orqanlarının köməyi ilə vətənə qaytarılacaq.

Bu barədə yerli media məlumat yayıb.

Sankt-Peterburqdakı özbək vətəndaşlarına yardım “Vətənə qayıdış” kampaniyası çərçivəsində göstərilir. Sözügedən kampaniya 30 iyul-30 avqust tarixlərində Özbəkistanın Baş Konsulluğunun və Xarici Əmək Miqrasiyası Agentliyinin nümayəndəliyinin dəstəyi ilə həyata keçirilir.

Növbəti bir ay ərzində Özbəkistan xüsusilə Rusiyadakı deportasiya mərkəzlərindən vətəndaşlarını qaytarmaq üçün xeyriyyə aksiyası keçirəcək.

Miqrasiya Agentliyi bildirir ki, öncə qadınlar və uşaqlar repatriasiya olunacaq. Çətin vəziyyətə düşən vətəndaşlara vətənə dönüş üçün şəhadətnamələr və aviabiletlər təqdim olunub. Onların Özbəkistana uçuşu isə 18 avqusta planlaşdırılıb.

#Rusiya