Şarl Mişel Ukraynaya yardım haqqında məlumat yaydı

Ukrayna üçün dəstək paketi çərçivəsində əlavə 50 milyard avronun ayrılması barədə razılıq əldə olunub.

Bu barədə Avropa İttifaqı Şurasının prezidenti Şarl Mişel rəsmi sosial media hesabında məlumat verib.

Bildirib ki, bu qərar Ukrayna üçün stabil, uzunvədəli və proqnozlaşdırılan maliyyələşməni təmin edəcək. Şarl Mişel bu prosesin şərtlərini açıqlamasa da, proqramın 2024-2027-ci illər üçün nəzərdə tutulduğunu qeyd edib. Bu isə ildə orta hesabla 12,5 milyard avro deməkdir.