Tədbirə 11 mindən çox iştirakçı qatılıb

Hava yaxşıdırsa, Sankt-Peterburqda şəhərin çay və kanallarını SUP lövhəsində fəth etməmək olmaz. Şimal paytaxtında beynəlxalq “Fontanka SUP” festivalı keçirilib.

İnsanlar kanalda pirat, firon, Şaxta baba, dinozavr, Şahzadə Jasmin, təkbuynuzlu at, dalğıc, hindu və digər rəngarəng obrazlarda SUP lövhələri ilə üzüblər.

Festivalda 11 mindən çox iştirakçı rəngarəng geyimlərdə Fontanka çayı və şəhərin digər tarixi kanalları boyunca təxminən 9 kilometrlik məsafəni qət etməklə unikal su karnavalı yaradıb.

Tədbirdə sadəcə idman yarışı deyil, həm də "Miss SUP", "Mister SUP", ən yaxşı geyim və bəzədilmiş SUP-lövhə nominasiyaları üzrə müsabiqə keçirilib, fotzonalar və konsert proqramı da təşkil olunub.

Festivalın qaydalarına görə, 18 yaşdan yuxarı hər kəs qeydiyyatdan keçərək öz lövhəsi ilə karnavala qoşula bilər.