Tıxaclara qarşı maraqlı həll | Bu il elə bir üsul hazır olacaq ki...

İtaliyanın Trento Universitetinin mütəxəssisləri qarışqaların davranışında yol problemlərini həll etmək üçün istifadə edilə bilən nümunələr aşkar ediblər.

Alimlər qeyd ediblər ki, qarışqalar yüksək mütəşəkkil ictimai davranışları ilə bir-birinə müdaxilə etmədən ərazidə effektiv şəkildə hərəkət edə bilirlər.

Müəlliflər yollarda tıxacları aradan qaldırmaq üçün həşərat vərdişlərinin faydalı olacağını düşünürlər.

Tədqiqatın müəllifi Marco Guerrieri deyib ki, qarışqalar heç bir maneə olmadan ikitərəfli hərəkət təşkil edə bilən azsaylı növlərdəndir. Qarışqaların davranış xüsusiyyətlərindən pilotsuz nəqliyyat vasitələrinin hərəkətini təşkil etmək üçün istifadə etmək olar. Qarışqalar liderləri tərəfindən qeyd olunan cığırlarla hərəkət edirlər.

Alimlərin fikrincə, həşəratlar öz ifrazatlarından istifadə edərək ünsiyyət qurduqları kimi, özü idarə olunan avtomobillər də şərti liderə fokuslana və bu prosesdə bir-biri ilə “ünsiyyət” qura bilərlər.

Qeyd edək ki, “Tesla”nın baş direktoru İlon Mask şirkətinin avtomobillərində tam avtopilotun 2025-ci ildə hazır olacağını bildirib.