Trampdan İrana qarşı hərbi əməliyyatlar barədə sensasiya
ABŞ Prezidenti Donald Tramp İranın yalnız nüvə silahı yaratmağa deyil, həm də onu tətbiq etməyə çalışdığını iddia edib.
Ağ Evin Oval kabinetində jurnalistlərin suallarını cavablandıran Tramp bildirib ki, əgər ABŞ-nin İranın nüvə obyektlərinə endirdiyi zərbələr olmasaydı, Tehran qısa müddətdə nüvə başlığı əldə edə bilərdi.
“Əgər həmin bombardmanı başlanğıc nöqtəsi kimi götürsək, onların bir ay ərzində nüvə başlığı olardı. Onlar bunu əvvəlcə İsrailə, sonra isə bütün Yaxın Şərqə qarşı istifadə edərdilər”, – deyə ABŞ Prezidenti iddia edib.
Trampın sözlərinə görə, İranın məqsədi regionda genişmiqyaslı dağıntılar törətmək idi. “Onlar Yaxın Şərqi partlatmağa hazır idilər. Sonra isə bizim arxamızca gələcəkdilər”, – deyə o qeyd edib.
Bununla yanaşı, Tehran dəfələrlə nüvə silahı yaratmaq niyyətində olmadığını bəyan edib. Qərb kəşfiyyat xidmətləri də İranın nüvə silahı hazırladığına dair sübut tapmadıqlarını bildirib. Bu barədə yanvarın sonunda “The New York Times” qəzeti də məlumat yayıb.
#Donald Tramp teqi istifadə olunub
- Tramp Konqresi kənarlaşdırıb regionda hərbi nəzarəti əlində saxlayır
- İranın göndərdiyi planı nəzərdən keçirəcəyəm, amma... | Donald Tramp - Baku TV
- Donald Tramp rüsumlarla bağlı anons verdi
- ABŞ Qəzzadakı missiyasını niyə bağlayır?
- İranın ali liderindən Trampa sərt cavab | Müctəba Xamenei nələr dedi? - Baku TV
