Trampla Putin arasında vacib telefon danışığı - CANLI

ABŞ Prezidenti Donald Tramp və Rusiya Prezidenti Vladimir Putin arasında Rusiya-Ukrayna müharibəsinin həlli ilə bağlı mühüm telefon danışığı baş tutub. İki saat davam edən bu danışıq zamanı liderlər ticarət əlaqələri, müharibədən sonrakı əməkdaşlıq və xüsusilə Rusiya və Ukrayna arasındakı münaqişəyə son qoyulması yollarını müzakirə ediblər.

Tramp danışığı "çox məhsuldar" adlandırıb və tərəflərin yüksək səviyyəli məsləhətçilərin gələn həftə görüşməsinə razılıq verdiyini təsdiqləyib. Trampın açıqlamasına görə, ABŞ tərəfindən ilkin danışıqlara Dövlət katibi Marko Rubio rəhbərlik edəcək. Həmçinin, yekun həll yolunu tapmaq üçün Tramp və Putin Macarıstanın paytaxtı Budapeştdə fərdi görüş keçirməyi planlaşdırırlar. Bu telefon danışığı Rusiya-Ukrayna münaqişəsinin dayandırılması istiqamətində yeni və vacib bir addım kimi qiymətləndirilir.