Türkiyədə ard-arda zəlzələ insanları qorxuya saldı

Türkiyənin Bursa şəhərində 5,1 bal gücündə zəlzələ baş verib.

Yeraltı təkanlar Mərmərə dənizinin Gemlik körfəzində 9 km dərinlikdə qeydə alınıb.

Bu barədə ölkənin Fövqəladə Halların İdarəedilməsi Agentliyi məlumat verib.

Bildirilib ki, yeraltı təkanlar İstanbul, Kocaeli, Sakarya, Çanaqqala və digər şəhərlərdə də hiss edilib. Hadisədən 3 dəqiqə sonra eyni ərazidə 4,5 bal gücündə ikinci zəlzələ qeydə alınıb. Dağıntı və tələfat barədə məlumat verilməyib.