Uşağın skeleti alimləri heyrətləndirdi | Tükürpərdici faktlar açıqlandı

Portuqaliya, Böyük Britaniya, Fransa və ABŞ-dən olan beynəlxalq alimlər qrupu insan və neandertal hibridi ola biləcək qədim uşağın yaşını müəyyən edib.

Qeyd edək ki, 1995-ci ildə arxeoloqlar qaya sığınacağında qırmızı rəngli uşaq sümüklərini aşkar ediblər.

Mütəxəssislər qalıqların dəfn edilməzdən əvvəl boyalı heyvan dərisinə bükülmüş ola biləcəyini irəli sürüblər.

Təhlillər göstərib ki, bədən nisbətləri və çənə forması neandertalları xatırladır və bu, uşağın hibrid mənşəli olması ilə bağlı fərziyyənin yaranmasına səbəb olub.

Elm adamları insan sümüklərində olan zülalları tədqiq edərək uşağın təxminən 28 min il əvvəl yaşadığını təsdiqləyiblər.

Alimlər qeyd ediblər ki, Laqar Velhodan olan uşağın skeleti sadəcə arxeoloji tapıntı deyil, müasir tipli insanlar və neandertallar arasında mürəkkəb qarşılıqlı əlaqə prosesinin sübutudur.