Pleyeri seçin:
Yük maşınının partlaması 8 nəfəri həyatından etdi
Meksikanın paytaxtı Mexikoda mayeləşdirilmiş qaz daşıyan yük maşını partlayıb. Nəticədə 8 nəfər həlak olub, daha 94 nəfər isə yaralanıb.
Şəhər meri Klara Bruqadanın sözlərinə görə, onlardan 28-nin vəziyyəti ağırdır. 19 sakinə ilkin tibbi yardım göstərildikdən sonra evə buraxılıb, 47 nəfərin isə müalicəsi davam edir.
Qeyd edək ki, Mexiko şəhərinin İztapalapa rayonunda magistral yol qovşağında mayeləşdirilmiş qazın olduğu yük maşını partlayıb. Hadisə zamanı 20-dən çox avtomobil yanıb, yaxınlıqdakı tikililərə ziyan dəyib. Olayın baş vermə səbəbini Mexiko Prokurorluğu araşdırır.
Kopyalandı
