13 il öncə törədilən qətlin detalları | Vüsal Şilderi öldürməkdə təqsirləndirilən Xəyalın məhkəməsi

“Mercedes-Benz” şirkətinin Azərbaycan təmsilçisinin oğlu Vüsal Şilderin 13 il əvvəl Bakıda qətlə yetirilməsi ilə bağlı cinayət işində yeni mərhələ başlayıb.

Cinayət işi üzrə iki nəfər məhkəmənin hökmü ilə 15 il müddətinə azadlıqdan məhrum edilsə də, qətlin sifarişində təqsirləndirilən Xəyal Əlizadə barəsində beynəlxalq axtarış elan edilmişdi.

Xəyal Əlizadə 2026-cı ilin yanvarında Birləşmiş Ərəb Əmirliklərində saxlanılaraq Azərbaycana ekstradisiya edilib. Onun barəsində başlanılan cinayət işi üzrə ibtidai istintaq yekunlaşdırılıb və materiallar baxılması üçün Bakı Ağır Cinayətlər Məhkəməsinə göndərilib. Hakim Firdovsi Əliyevin sədrliyi ilə keçiriləcək hazırlıq iclasında Xəyal Əlizadənin anket məlumatları dəqiqləşdiriləcək. Daha sonra cinayət işinin məhkəmə baxışına verilməsi ilə bağlı qərar elan olunacaq.