Gizli qəzəb faciə ilə bitdi | Dostunu öldürən şəxs görün sonra nə etdi

4 avqust 2024-cü il tarixində Nərimanov rayonunda yerləşən mənzildə 51 yaşlı Ülvi Qasımovun üzərində bıçaq xəsarətləri olan meyiti tapılıb.

Hadisə ilə bağlı Rayon Prokurorluğunda Cinayət Məcəlləsinin qəsdən adam öldürmə maddəsi ilə iş başlanılıb.

İstintaqla müəyyən edilib ki, hadisə baş verən gecə Qasımovla birgə kirayədə qaldığı Hikmət Muxtarov spirtli içki qəbul etdikdən sonra aralarında mübahisə düşüb.

Qasımovun nalayiq ifadələr işlətməsi nəticəsində Muxtarov onu bıçaqlayaraq qətlə yetirib. Hadisədən sonra o, meyitin fotosunu çəkərək tanışlarına göndərib və könüllü şəkildə polisə təslim olub.

Məhkəmə-tibbi ekspertizasına görə, Qasımovun ölümünə qaraciyər zədələnməsi və qanitirmə səbəb olub. Onun qanında 0,8% etil spirti aşkarlanıb.

Qeyd edək ki, 35 yaşlı Hikmət Muxtarov əvvəllər də məhkum olunub. Hadisəni törətdiyini etiraf etsə də, məhkəmədə peşman olmadığını bildirib.

Məhkəmə əməlində Cinayət Məcəlləsinin xuliqanlıq niyyəti ilə qəsdən adam öldürmə maddəsinin tərkibini görərək, Hikmət Muxtarovu 16 il müddətinə azadlıqdan məhrum edib.