“İlk dərs günü yoxa çıxdı” | Bakıdakı bu məktəbdə nə baş verdi? - "Hay-küy saldılar ki..." - Baku TV

Sosial şəbəkələrdə 244 nömrəli tam orta məktəbdə dərs vaxtı şagirdin itməsi və hadisə anında məktəb direktorunun iş yerində olmaması ilə bağlı iddialar yayılıb.

Məlumata görə, iddialara səbəb kimi məktəbin direktoru Şəfa Qurbanovanın bir-birindən təxminən 5 kilometr məsafədə yerləşən 244 və 135 nömrəli məktəblərə eyni vaxtda rəhbərlik etməsi göstərilib.

Məsələ ilə bağlı açıqlama verən şəxslərdən birinin sözlərinə görə, hadisə məktəbdə təşkil olunan tədbir zamanı yaranan sıxlıq nəticəsində baş verib:

“Məktəbdə sıxlıq və qarışıqlıq olub. Uşaq valideyninin yanından kənarlaşaraq yaxınlıqdakı ağacın altında əyləşib. Anası uşağını axtaranda hamı təşvişə düşdü. Sonra uşağı tapdılar. Direktorun iki məktəbə eyni vaxtda rəhbərlik etməsinə gəlincə isə bu, xəbər doğrudur”.

Əldə olunan məlumata görə, azyaşlı polis əməkdaşları tərəfindən tapılıb. Hadisədə hər hansı kriminal tərkib aşkar edilməyib.