İran vətəndaşına narkokuryerlik edən şəxslər saxlanıldı

Sosial şəbəkə vasitəsilə tanış olduqları İran vətəndaşına narkokuryerlik edən iki nəfər saxlanılıb.

Hacıqabul Rayon Polis Şöbəsinin əməkdaşları tərəfindən keçirilən tədbirlərlə rayon sakinləri Ruslan Həsənov və Elşən Manafov tutulub. Həmin şəxslərdən çəkisi 2 kiloqrama yaxın heroin və marixuana aşkarlanıb.

Araşdırmalar zamanı hər iki şəxsin narkokuryerlik etdikləri, onlardan aşkarlanan narkotikləri qabaqcadan təyin olunan yerə çatdırmalı olduqları müəyyən edilib.

Faktla bağlı araşdırmalar davam etdirilir.