Ölkəmizdə tutulan şəxslə bağlı görün nələr üzə çıxdı | Baş Prokurorluqdan məlumat
Birləşmiş Ərəb Əmirliklərinin səlahiyyətli orqanları tərəfindən adam oğurluğu, qanunsuz azadlıqdan məhrumetmə, öldürməklə hədələmə, qəsdən sağlamlığa ağır zərər vurma və seksual xarakterli zorakılıq hərəkətləri törətməkdə təqsirləndirilərək beynəlxalq axtarışa elan edilmiş 1985-ci il təvəllüdlü Qazaxıstan Respublikasının vətəndaşı Janbolat Serikov cari ilin yanvar ayında ölkəmizdə müəyyən edilərək Baş Prokurorluğun vəsatətinə əsasən barəsində həbs qətimkan tədbiri seçilib.
Bu barədə Baş Prokurorluq məlumat yayıb.
Bildirilib ki, Baş Prokurorluq tərəfindən Birləşmiş Ərəb Əmirliklərinin səlahiyyətli orqanlarının ekstradisiyaya dair vəsatəti həm birinci, həm apellyasiya, həm də kassasiya instansiyalarında müdafiə edilib.
Azərbaycan Respublikası ilə Birləşmiş Ərəb Əmirlikləri arasında qüvvədə olan ekstradisiya haqqında müqaviləyə əsasən, Bakı Ağır Cinayətlər Məhkəməsininin qərarına uyğun olaraq Janbolat Serikov Ədliyyə Nazirliyinin Penitensiar Xidmətinin xüsusi konvoyunun müşayiəti ilə adıçəkilən ölkənin hüquq-mühafizə orqanlarına təhvil verilib.
#Baş Prokurorluq teqi istifadə olunub
- Cəlilabaddakı hadisə ilə bağlı Baş Prokurorluq məlumat yaydı - 24 SAAT
- Ana və oğluna qarşı narkotik tələsi quran iş adamı ifşa olundu
- Hüquqazidd əməllərin 90,5 faizinin üstü açılıb
- Xətai rayonunda ailə faciəsi | Məhkəmə hakiminin oğlu yoldaşını bıçaqladı - Baku TV
- Yanacaq daşıyan maşın yanaraq külə döndü | SOCAR-dan hadisə barədə məlumat - Baku TV
