Suraxanıda qandonduran cinayət | Baş Prokurorluq detalları açıqladı
30 il əvvəl baş vermiş qətlin üstü açılıb.
Bu barədə Baş Prokurorluqdan məlumat verilib.
Belə ki, Bakı şəhərinin Suraxanı rayon prokurorluğu və rayon polis idarəsinin əməkdaşları tərəfindən peşəkarlıqla həyata keçirilən birgə istintaq və əməliyyat-axtarış tədbirləri nəticəsində 30 il əvvəl, 1995-ci ilin may ayında paytaxtın hava limanından taksi fəaliyyəti ilə məşğul olan şəxslər tərəfindən müştəri qismində götürülmüş kişi cinsli şəxsin quldurluqla əlaqədar kəsiçi-deşici alətlə Suraxanı rayonu, Yeni Suraxanı qəsəbəsində qəsdən öldürülməsi cinayətinin üstü açılmaqla təqsirləndirilən şəxslərin məsuliyyətə cəlb olunması təmin edilib.
Hazırda iş üzrə zərərçəkmişin şəxsiyyətinin müəyyənləşdirilməsi zərurəti yaranıb.
Zərərçəkmiş şəxsin fərdi əlamətləri:
-Doğum ili: 1955-1970-ci illər aralığında
-Boy: təxminən 175 sm
-Sol dirsək oynağının ön səthində çapıq izləri
-Sol saidin yuxarı və orta 1/3 hissəsinin ön səthində 11 ədəd köhnə, kənarları hamar çapıqlanmış toxuma izləri
-1995-ci ilin aprel-may aylarında xarici ölkədən (əsasən MDB dövlətləri, o cümlədən Rusiya Federasiyası) hava yolu ilə ölkəyə qayıdıb və həmin dövrdən etibarən itkin düşüb
-MDB dövlətlərində, o cümlədən Rusiya Federasiyasında daimi və ya müvəqqəti yaşayan və yaxud işləmiş.
Bu xüsusiyyətlərə uyğun olan və ya belə bir şəxs barədə məlumatı olan şəxslərdən xahiş olunur ki, Bakı şəhər prokurorluğu və ya Suraxanı rayon prokurorluğuna məlumat versinlər.
#Baş Prokurorluq teqi istifadə olunub
- Yanacaq daşıyan maşın yanaraq külə döndü | SOCAR-dan hadisə barədə məlumat - Baku TV
- Rusiya cinayət işinə xitam verir? - Baku TV
- Baş Prokurorluq məlumat yayıb | Qaçaqmalçılıq zənciri ifşa edildi - Baku TV
- Bir sıra vəzifəli şəxslərin qaçaqmalçılıq cinayəti ilə bağlı təfərrüatlar məlum olub - Baku TV CANLI
- "Kişini niyə çıxarmadığını soruşdum, yalan dedi ki..." | Müəmmalı yanğın faciə ilə bitdi - Baku TV
