16 yaşlı qızlarımız basketbol üzrə Avropa çempionu oldu

Andorrada 16 yaşlı qızlar arasında keçirilən basketbol üzrə Avropa çempionatı C Divizionunun final oyunu baş tutub.

Azərbaycanın qızlardan ibarət U-16 millisi və ev sahibi Andorra seçməsi arasında keçirilmiş həlledici görüşdə yığmamız 57:45 hesabı ilə qalib gəlib. Komanda heç bir oyunda məğlub olmadan Avropa çempionu olub.

Qeyd edək ki, bu çempionluq Azərbaycan qadın basketbolu adına tarixi bir ilkdir.