19 yaşlı Arda Gülər “Real”ın heyətində rekorda imza atdı

La liqanın 28-ci turunda “Real Madrid” və “Selta” arasında keçirilən görüş “los blankos”un gənc ulduzu Arda Gülər üçün əlamətdar olub.

89-cu dəqiqədə meydana çıxan futbolçu 5 dəqiqə sonra rəqibin qapısına yol tapıb. Bununla da, Arda “Real” forması ilə ilk dəfə fərqlənməklə yanaşı, La liqada qol vuran ən gənc türkiyəli oyunçu adına yiyələnib.

A.Gülərin dəqiq zərbəsi “Selta” ilə matçda həm də yekun nəticəni müəyyənləşdirib. Qarşılaşma “kral klubu”nun 4-0 hesablı qələbəsi ilə yekunlaşıb.