8-ci tura "Qarabağ" - "Sabah" oyunu ilə yekun vurulub

Azərbaycan Premyer liqasında 8-ci tur yekunlaşıb.

Son matçda ölkəmizi Avropa liqasında təmsil edən “Qarabağ” “Sabah”la üz-üzə gəlib.

“Azərsun Arena”da keçirilən qarşılaşmada qapılara 5 qol vurulub.

Oyunda hesabı meydan sahibləri açıblar. 6-cı dəqiqədə Toral Bayramov hədəfi dəqiq nişan alıb. 2 dəqiqə sonra Nəriman Axundzadə fərqi 2-yə çatdırıb.

Hücumlarına ara verməyən ağdamlılar 17-ci dəqiqədə növbəti dəfə “bayquşlar”ın qapısına yol tapıblar. Bu dəfə Kevin Medina fərqlənməyi bacarıb. Qonaq komanda toplardan yalnız ikisinin əvəzini çıxa bilib. İlk hissəyə əlavə olunan dəqiqədə Coy-Lens Mikels, 51-ci dəqiqədə Pavol Şafranko fərqlənib. “Qarabağ” –“Sabah”: 3-2.

Qeyd edək ki, bu qələbədən sonra xallarının sayını 18-ə çatdıran “Qarabağ” turnir cədvəlinə liderlik edir. “Sabah” isə 14 xalla 5-ci yerdədir.