Abdullah Zubir “Qalatasaray”a keçir?

“Qarabağ”ın əsas oyunçularından Abdullah Zubir “Qalatasaray”la matç zamanı türk azarkeşləri heyran edib.“Sarı-qırmızılar”ın fanatları xeyriyyə oyununda özünü yaxşı tərəfdən göstərən Zubiri “Qalatasaray”a keçməyə səsləyiblər.

Onlar bununla bağlı müxtəlif sosial şəbəkələrdə paylaşımlar ediblər. “Qarabağ” azarkeşləri isə cavab olaraq A.Zubiri komandadan buraxmayacaqlarını bildiriblər.

Qeyd edək ki, yoldaşlıq görüşündən sonra “Qarabağ”ın daha bir üzvü Toral Bayramovun da karyerasını “Qalatasaray”da davam etdirəcəyi ilə bağlı xəbərlər yayılıb. Bildirilir ki, İstanbul təmsilçisinin nümayəndələri xeyriyyə qarşılaşmasından sonra Azərbaycan klubunun rəsmiləri ilə mümkün keçid barədə danışıblar.