Arda Gülər gələcəyi ilə bağlı qərar verdi

“Real Madrid”in türkiyəli futbolçusu Arda Gülər klub rəhbərliyinə tələb irəli sürüb.

Oyun praktikasının az olduğunu və bunun karyerasına mənfi təsir etdiyini bildirən gənc yarımmüdafiəçi komandadan ayrılmağa qərar verib.

Türkiyə mediasında yayılan məlumata görə, “Real”ın baş məşqçisi Karlo Ançelotti Ardanın bu qərarını dəstəkləyir. O, Gülərin fiziki göstəricilər baxımından komandaya uyğun gəlmədiyi qənaətindədir. Ancaq Madrid təmsilçisinin rəhbərliyi istedadlı futbolçunun gedişinin əleyhinədir. “Kral klubu” onu növbəti mövsüm icarə əsasında başqa kollektivə göndərmək niyyətindədir.